Wiebke Colmorgen is friee Moderatorsch, Schrieversfruu un Reportersch mit een sünnerliche Begeisterung för de Hamborger Musikszene. In dat Hamborger Stadtmagazin „STADTLICHH“ hölp se de Jungs un Deerns ut de jüngere Generaschoon op de Sprüng, Plattdüütsch to lesen. Eer Tipp: luud vörlesen! Bi‘n Plattcast lest se eere plattdüütsche Kolumne nu sölven vör.
STADTLICHH #5 Kolumne vun Wiebke Colmorgen: „Wann kümmst Du mol lang“
Niels Frevert is in de 90er Johr mit sien Band „Nationalgalerie“ bekannt worn, de mit dat erste Video in düütsche Spraak op MTV loopen harrn. Middewiel bringt he siene Platten as Solo-Musiker bi dat Hamborger Musiklabel Tapete Records rut.
STADTLICHH #4 Kolumne vun Wiebke Colmorgen: „He köm vun annern Stern“
Andreas Doraus 80er Hit „Fred vom Jupiter“ ward hüüt noch op NDW-Partys rop un daal dudelt. Dorbi is ut dat Wunnerkind vun de NDW längst de Grand Senior vun de düütsche Pop-Musik worn. Blots een is glieks bleben: De akkurote Scheitel. http://www.staatsakt.de/
STADTLICHH #3 Kolumne vun Wiebke Colmorgen: „De schmuckste Club in’t Rudel, dat is un blifft de Pudel“
Den Golden Pudel Club ünnen an Fischmarkt kinnt man middewiel op de ganze Welt as besünneren Musikclub. Veele bekannte Lüüd wie toom Biespeel Helge Schneider hept dor fröer ah opspeelt. Vun Kult wütt de Bedriever aver nix weden, den in‘n Pudel regeert de Kunst un de Humor, nich de Moneten.
STADTLICHH #2 Kolumne vun Wiebke Colmorgen: „So funkschoneert he nich, de Luxus“
De Pop-Band Anajo het sik för eer nejed Video („Meine Wege“) een sünnerlich exquisite Location utsöcht: Dat 5 Sterne Design Huus „Hôtel Concorde Berlin“. De Regisseur Kim Frank („Echt“) is dorvun op ganz besünnere Wies inspireert worn. Soveel vöraff: Toom Potier döcht Sänger Oliver Gottwald nich…
Zezão ut São Paulo in Brasilien mookt Grafitti un anner Kunst. In’n Novembermaand wöör he in Hamborg bi dat WASH Festival un hett dor een Kunstwark schopen. In dat Interview vertellt he vun sien Arbeit, de WASH Festival, de vun Viva Con Agua in dat Hamborger Schanzenviertel organiseert ward un stellt de annern Künstler as Bitte alles ändern, Alaniz, Billy, Dhear, Naf, Sago un Shamsia vör.
Dat plattdüütsche Book vun’t Johr 2010 heet “Na Lütten” un ward vörstellt vun Reinhard Goltz vun dat Institut för nedderdüütsche Spraak in Bremen un Lore Buchholz de dat Book rutgeven hett.
De CDU-Landtagsafgeordnete Helmut Dammann-Tamke snackt vun de Kommunalwahl in Neddersassen, de Piratenpartei, de Situatschoon vun de Euronootlaag un Grekenland.
An’n 30.10. üm Klock dree bit Klock fief gifft een plattdüütsche Veranstalten in Greundiek in de “Schöne Fernsicht” (Obstmarschenweg 4, Grünendeich). In de Talkshow “Plattsnack” ward de Gäst Wienke Peters, Hans-Peter Fitschen, Helmut Dammann-Tamke, Thorsten Börnsen un Jürgen Müller vun verscheden Themen vertelln. De Moderatschoon mokt Wiebke Colmorgen ut Hamborg. De Kort köst 5,- Euro.
Lena Ingwersen verkloort Thorsten Börnsen in’t Interview in Hamburg-Wilhelmsburg worüm dat bi dat Dockville Kunstcamp un Festival geiht, wat Lüttville, Flaum un Bodderland bedüden deit un woans dat anfungen hett. Dat Kunstcamp löppt siet de 21. Juli un dat Festival is vun 12. bit 14. August. Optreden warrn dor ünner annern Künstler as Santigold, Editors, …and you will know us by the trail of dead, Wild Beasts, Gold Panda, Hundreds, Beat!Beat!Beat!, Is Tropical, Kele, Johnossi, Kollektiv Turmstrasse, Felix Kubin, Kakkmaddafakka, Egotronic un bannig veele mehr…
Deniz ut Wilshusen bi Ollnborg vertellt vun’n Zivildeenst… de dat nich mehr geven deit. He is nich mit Platt opwussen un bröcht sik de Sprook sülvst bi.
Hans-Peter Fitschen un Helmuth Klintworth verkloort wat siet dat Johr 2008 in de Weertschoop passeert is, wat dat för den enkelten Minschen heeten deit un wat de Regeren doon schullen, üm de Finanzmarkten to reguleren. Opnohmen wür dat Gespreek al in’n Februor 2011 in Stood.
