Plattcast

Plattdüütsch ut Plattdüütschland

Plattcast header image 2

De fofftig Penns feat. Michael Slama – Een vun de Fofftig

23.07.2015 · Keine Kommentare

 

Jo moin, wi sünd de De fofftig Penns
De spackigste vun de Spackenbands
Direktemang ut Bremen-Noord
Wat is dat bloots mit düssen Oort?
Mit Fährboot na Lemwerder
Mööt in de Düne Serdar
Wi hebbt Trittin un Böhmermann
Packt Gröönkohl in den Döner, Mann
Flow suutsche as de Hover
Mit mehr Fans as Jehova
Bloots nöömt wi de nich Tügen
Wat schall dat ok bedüden
Wenn de jümmers bi een lüden
Bruuk nu eersmaal ’n Krüden
Dat is de Noorden un nich de Süden
Wi smöökt Piep un kene Tüden

Tjoa, ik bün bloots een vun De fofftig Penns
Heff ’n Boort, doch mien Piedel, de glänzt
Man nich as de vun Mr. Wixa
Bün Malde, de söte Superstar
Vun Veesack un nich ut St. Tropez
Use Skillz doot seer, oder doot se weh?
Halvig Rap, halvig Platt. Nix mit up Stee
Bruukt keen LSD, wi drinkt Bünting Tee
Villicht mööt wi langsamer räppen
Keen versteiht dat, düsse Deppen
Ach, dat liggt gor nich an de Snelligkeit
Dat is de Snack, de jem nix seggen deit
Fofftig Penns, in de Knipp, in de Pants
Up’e Deel is ’n Dänz, in’e Hand ’n Flens
Mehr Söötness gifft’t nich, mit ’n Pint in’e Hand
Mehr Ünnergrund geiht nich, wat de Spraak anbelangt

Aver ik bün bloots
Een vun De fofftig
Een vun De fofftig
Een vun De fofftig Penns

Ik harr geern de Stimm von Casper
Un Martens Konto bi de Haspa
Sien Fans mit ’n Hartklabaster
Un keeneen, de weet, dat wi Spaaß maakt
Un Wood Kid as Produzent
Dat Modelabel vun 50 Cent
De Witte vun Mr. President
Un dat us all Kinners kennt
Denn dat us all Kinners kennt
As weern wi düsse Eminem
As KIZ mit Schisslaweng
Un Deichkinds Remmidemmidemm
De Mischoon 500.000 Fans
500.000 fofftig Penns
Un wenn dat mutt ook de Million
Man to, denn kannst du bi us wahnen

Harr geern ’n Arafat as Bushido
Un de Biller in’n Kopp vun Sido
Den Dialekt vun Texta
MTV-Unplugged ehr Orchesta
Ik harr geern Psy sien Gangnam
Un Daft Punk ehre Bassdrum
MC Fitti sien Boortkamm
Un Toni Holz sien Gangbang
Harr geern Ninja sien Yo-Landi
Weer geern kommodig as Mahatma Gandhi
Leider keen ratatata as ’n G
Kene Sneakers as Run DMC
Wi sünd even bloots De fofftig Penns
Un bitto üm un bi fofftig Fans
Hebbt leider nich to veel to beden
Man Brudis vun Maghreb bit Sweden

Aver ik bün bloots
Een vun De fofftig
Een vun De fofftig
Een vun De fofftig Penns

Büst du ok
Een vun De fofftig
Een vun De fofftig
Een vun De fofftig Penns

Neeschool as MT-Viva
Ooltschool as Bröder Stieber
Grundschool as Justin Bieber
Un all de Halsafsnieder
Un machtvull as Obama
Ik harr geern diene Mama
Ne Hook vun Michael Slama
Jay-Z sien Panorama
Horizont, Pinökel, SAV
Denn man to oder denn man tau?
Schoolschipp un Regina
De Apotheek vun Ina
Gauer in Ollnborg as in’e Stadt
De Lüüd snackt noch dat echte Platt
Tominst noch so’n ooln Kaptein
Wenn’t Haake gifft, maakt wi Foffteihn

Harr geern Kollegah siene Skillz
Vun Niko KIZ de Mils
Grillmaster Grilli siene Grillz
Un Jon Bon Jovi siene Milfs
Vun HP Baxxter siene Pills
Broomeester Beck sien köhlet Pils
Vun Gesche Gottfried ehre Kills
Een, twee, dree – schtuuuh!
Weer nienich Ticker as Biggie
Keen Flamingos un Flipper, Diggi
Catering Rundstück un keen Sushi
Liekers mag us diene Uschi
Leider keen Nutten un Koks as Kay
Wi sünd Malde, Torbo un Jay
Aver dat is doch ganz okay
Simoin denkt „Gottogott Jesses nee!“

Aver ik bün bloots
Een vun De fofftig
Een vun De fofftig
Een vun De fofftig Penns

Büst du ok
Een vun De fofftig
Een vun De fofftig
Een vun De fofftig Penns

Tags: Aktuelles · Kultur

0 Antworten bis jetzt ↓

  • Es wurden noch keine Kommentare abgegeben...

Hinterlasse einen Kommentar